Sinoptikania Lajda Porja, ka treguar se si do të jenë temperaturat për 15 ditëshin e dytë të muajit gusht. Duket se fundi i gushtit do të mbyllet me shifra të larta dhe ky është një lajm i mirë për ata që kanë planifikuar të bëjnë pushime në këtë periudhë.
Porja në një intervistë për “News 24”, tha se temperaturat gjatë kësaj fundjave do të shkojnë në vlerat e 38-39 gradë Celcius. Sinoptikania tregoi se duke filluar nga dita e martë deri në datë 21 gusht, temperaturat do të pësojnë një ulje. Gjithashtu ajo ka thënë se mundësia për stuhi shiu nuk përjashtohet, ndërsa për sa i përket erës Porja u shpreh se nuk do të përbëj problem.
“Ashtu siç ishte parashikuar, edhe gushti të përfundonte me temperatura të larta. Dhe kjo javë do të përfundojë me temperatura të larta 37-39. Disa zona do të shënojë 40 gradë.
Në këtë kohë u shënua dhe rekordi 43 gradë në Elbasan. Ndonjë zonë e izoluar do të ketë rrebeshe shiu të përkohshme. Fundjava do të jetë 38-39 gradë. Rënie të letë do të kemi javën tjetër.
Nga java që vjen, të martën deri në 21 presim një freskim të përkohshëm të motit.
Por 10 ditëshi i fundit i gushtit të mbetet me temperatura të lartë. Nuk përjashtohet ndonjë stuhi shiu, ndërkohë që era nuk do të shfaqe probleme. Dita e martë dhe e mërkurë do të sjellë një fuqizim më të madh, por jo problematike.”, tha sinoptikania Lajda Porja.
