Tre persona, përfshirë një grua, janë proceduar penalisht nga policia pasi akuzohen për mashtrim duke ofruar viza elektronike të falsifikuara kundrejt pagesës.
Specialistët për Hetimin e Krimeve Ekonomike dhe Financiare të DVP Fier kanë referuar materialet në Prokurori, duke iniciuar procedimin penal për shtetasit I. D., 43 vjeç, banues në Patos, V. Z., 21 vjeç, banues në Ballsh, dhe Xh. Sh.(Gj)., 32 vjeçe, banues në Tiranë.
Ata akuzohen se kanë mashtruar shtetas të huaj, duke iu ofruar viza elektronike të falsifikuara dhe përfituar shuma parash nga ky veprim.
