Eksperti i sigurisë, Ergys Muzhaqi, ka deklaruar se Policia e Shtetit vazhdon të vuajë mungesën e besueshmërisë, si në sytë e publikut ashtu edhe brenda radhëve të saj.
Sipas tij, anketat tregojnë një mungesë mbështetjeje për institucionin, duke e cilësuar këtë një problem të thellë.
Muzhaqi vuri në dukje se ndryshimet strukturore në polici nuk japin efekte të menjëhershme dhe theksoi nevojën për një organizatë policore të pavarur nga politika.
Ai përmendi periudhën deri në vitin 2013 si një shembull pozitiv kur, sipas tij, u goditën fuqimisht aktivitetet kriminale dhe u ndalua trafiku i drogave të forta në vend.
