Ministri i Mbrojtjes së Kosovës, Armend Mehajka konfirmuar mbështjetjen e Kosovës për Shqipërinë, në një moment që qyteti i Krujës po përballet me helmime masive të qytetarëve nga uji i pijshëm.
Në një postim në Facebook, Mehaj shkruan se ka qëndruar në kontakt të vazhdueshëm me autoritetet shqiptare dhe ka shprehur gatishmërinë për asistencë të plotë nga ana e Forcës së Sigurisë së Kosovës. Ai thotë se ka kërkuar që të gjitha kapacitetet specialistike të Forcës së Sigurisë së Kosovës të qëndrojnë në gjendje gatishmërie për ofruar të gjithë asistencën e mundshme.
Mesazhi i plotë i Mehajt:
Si vëllai për vëllain,
Sot gjatë gjithë ditës kam qëndruar në komunikim të vazhdueshëm me autoritetet shqiptare, dhe në vecanti me homologun tim, z. Niko Peleshi, ambasadorin e Republikës së Shqipërisë në Kosovë, z. Qemajl Minxhozi, si dhe zyrtarë të tjerë nga Republika e Shqipërisë për të shprehur gatishmërinë për asistencë të plotë nga ana e Forcës së Sigurisë së Kosovës me rastin e helmimit të qytetarëve në Krujë.
Kam kërkuar që të gjitha kapacitetet specialistike të Forcës së Sigurisë së Kosovës të qëndrojnë në gjendje gatishmërie për ofruar të gjithë asistencën e mundshme.
Si vëllai për vëllain, Ministria e Mbrojtjes me të gjitha aftësitë dhe kapacitetet operacionale të FSK-së, janë dhe do të jenë gjithmonë në dispozicion për të ndihmuar autoritetet e Republikës së Shqipërisë dhe qytetarët e saj.
