SPAK “bëri tërmet” në Bashkinë e Tiranës ku u arrestuan 9 drejtorë dhe zyrtarë të lartë të kësaj bashkie, në lidhje me një mega aferë të quajtur ‘5D’. Në këtë aferë u zbulua se si drejtorët e Bashkisë Tiranë, vartësit e Veliajt, i jepnin tendera vetes përmes një kompanie të quajtur ‘5D konstruksion’. Në lidhje me këtë aferë SPAK lëshoi 9 urdhër arreste ku në masën detyrim paraqitje dhe pezullim të ushtrimit të funksioneve publike janë:
Deborah Keçi, drejtuese e “Klubin Sportiv Tirana”, pranë Bashkisë Tiranë;
Julian Zanaj, Drejtor i Prokurimeve në Bashkinë e Tiranës;
Eglantina Zere, Drejtore e Drejtorisë së Përgjithshme e Pastrimit dhe Gjelbërimit në Bashkinë Tiranë;
Albano Janku, Drejtor i Drejtorisë së Planifikimit të Burimeve Njerëzore në Bashkinë Tiranë;
Nestor Muhametllari, administrator i shoqërisë “5D Konstruksion” sh.p.k;
Enton Punavija, Drejtor i Drejtorisë së Transportit në Bashkinë e Tiranës.
Ndërkohë, 3 drejtorë të tjerë me masën e arrestit në burg janë:
Redi Molla, ish-Drejtor i Ujësjellës Kanalizime në Bashkinë Tiranë;
Taulant Tusha, ish- Drejtor i Punëve Publike në Bashkinë e Tiranës;
Mariglen Qato, ish-Drejtor Inspektoriatit së Mbrojtjes së Territorit, në Bashkinë Tiranë.
Vlen të theksohet se ka qarkulluar lajmi që edhe Veliaj është thirrur në SPAK.
Si e ‘bojkoti’ media mega aferën ‘5D’?
Mediat më të mëdha në vend si Top Channel, Klan, News 24, Vizion Plus, Abc News nuk e panë mjaftueshëm të rëndësishëm lajmin për skandalin dhe vjedhjen e miliona eurove nga taksat e qytetarëve të Tiranës. Si ka mundësi që këto media të cilat mezi presin kronikat e montuara të Lalit për suksese galopante të mbjelljes së pemëve apo ndërtimit të shkollave nuk raportojnë këtë lajm për të? Janë të shitura, duke marrë para dhe tendera?
Por gjithsesi mos dhënia e vëmendjes ndaj kësaj ngjarje në media tregon se Veliaj e ndien veten fajtor dhe kërkon të mbyllë kapakun e gjellës që e ka gatuar vetë.
