Mbështetësit e Donald Trump kanë krijuar dhe shpërndarë imazhe të rreme të votuesve me ngjyrë të krijuar nga AI për të inkurajuar afrikano-amerikanët të votojnë republikanët.
BBC Panorama zbuloi dhjetëra “depfake” që portretizonin njerëzit me ngjyrë si përkrahës të ish-presidentit.
Zoti Trump u ka bërë ballë hapur votuesve zezakë, të cilët ishin çelësi për fitoren e Joe Biden në zgjedhjet e vitit 2020.
Por nuk ka asnjë provë që lidh drejtpërdrejt këto imazhe me fushatën e zotit Trump. Bashkëthemeluesi i Black Voters Matter, një grup që inkurajon zezakët të votojnë, tha se imazhet e manipuluara po nxisin një “narrativë strategjike” të krijuar për të treguar zotin Trump si popullor në komunitetin me ngjyrë.
Një krijues i njërës prej imazheve i tha BBC-së: “Unë nuk po pretendoj se është e saktë”. Imazhet e rreme të mbështetësve zezakë të Trump, të krijuara nga inteligjenca artificiale (AI), janë një nga tendencat e shfaqura të dezinformimit përpara zgjedhjeve presidenciale në SHBA në nëntor.
Ndryshe nga viti 2016, kur kishte prova të fushatave të ndikimit të huaj, imazhet e krijuara nga AI të gjetura nga BBC duket se janë bërë dhe shpërndarë nga vetë votuesit amerikanë. Njëri prej tyre ishte Mark Kaye dhe ekipi i tij në një radio konservatore në Florida.
Ata krijuan një imazh të zotit Trump duke buzëqeshur me krahët e tij rreth një grupi femrash me ngjyrë në një festë dhe e shpërndanë atë në Facebook, ku Kaye ka më shumë se një milion ndjekës. Në fillim duket e vërtetë, por me një inspektim më të afërt, lëkura e të gjithëve është paksa shumë e shndritshme dhe në duart e njerëzve mungojnë gishtat – disa shenja treguese të imazheve të krijuara nga AI.
View this post on Instagram
