Minitrja e Shëndetësisë, Ogerta Manastirliu ka thënë se ka pasur një rënie të lehtë në incidencën javore sa i përket Cocis-19, por nga ana tjetër janë rritur edhe rastet active. E ftuar në emsionin “Kjo javë” në Neës 24, Manastirliu ka thënë se në vendin tonë situate mbetet nën kontroll.
Ministrja sqaroi se Komiteti Teknik vendosi për dozën e tretë të vaksinës teks personat mbi 60 vjeç, në mënyrë që të kufizohet përhapja e infektimeve dhe të reduktohen shtrimet në spitale dhe fatalitetet.
“Komiteti Teknik i Ekspertëve duke qenë se mblidhet në mënyrë periodike analizon situatën, shifrat e situatës ditore janë në tryezën time çdo ditë për të bërë edhe një krahasim me situatën ku kemi qenë dhe për të krijuar projeksione. Komiteti Teknik i ekspertëve dje ka patur një komunikim me publikun ku ka relatuar edhe incidencën 2-javore ku ka një rënie të lehtë por rastet aktive janë të rritura. Që do të thotë dhe shpërndarja në bashki është rritur. Kemi 48 bashki që vijon, një rritje të virusit. Ka ende qarkullim që është një qarkullim i lartë, por krahasuar me vendet e rajonit, por edhe me vende evropiane ne situatën e kemi nën kontroll. Nisur nga fakti se në Mbretërinë e Bashkuar rastet janë rritur në mënyrë eksponenciale, vendet baltike, sidomos Letonia ka pësuar një rritje të madhe të rasteve dhe ishte një nga vendet që mbahej që kishte një eksperiencë pozitive në trajtimin e pandemisë me shumë pak mortalitet dhe tashmë janë duke u mbyllur. Në Shqipëri situata mbetet e kontrolluar. Komiteti ka vendosur të mos ndryshojë masat, por sigurisht të rekomandojë vaksinimin si të vetmen armë që ne kemi për të kufizuar përhapjen e infeksionit dhe për të patur një kontroll në hospitalizim dhe për të reduktuar fatalitetet”, ka thënë Manastirliu.
