Pesëdhjetë e shtatë për qind e amerikanëve duan që Presidenti Donald Trump të hiqet menjëherë nga detyra pasi ai inkurajoi një protestë këtë javë që u përshkallëzua në një trazirë vdekjeprurëse brenda Kapitolit të SHBA, sipas një sondazhi të Reuters / Ipsos.
Sondazhi kombëtar i opinionit publik, i kryer të enjten dhe të premten, gjithashtu tregoi se edhe ata që në muajin nëntor kur ishin zgjedhjet presidenciale dhe kishin votuar për Trump, kundërshtuan veprimin e mbështetësve të tij që hynë në Kapitol ndërsa ligjvënësit po mblidheshin për të vërtetuar fitoren e zgjedhjeve të Demokratit Joe Biden.
Gati 70% e amerikanëve të anketuar gjithashtu thanë se ata nuk i pranojnë veprimet e Trump në prag të sulmit të së mërkurës. Në një tubim më herët gjatë ditës, Trump kishte inkurajuar mijëra ndjekës të tij për të marshuar drejt Kapitolit.
Kaosi në Capitol Hill, në të cilin një oficer policie dhe katër të tjerë vdiqën, dhe shumë të tjerë u plagosën është dënuar gjerësisht nga Demokratët dhe Republikanët. Ndërkohë janë ngritur akuza dhe për oficerët e policisë të cilët janë konsideruar dhe ata si mbështetës të Trump.
Demokratët në Dhomën e Përfaqësuesve të SHBA planifikojnë të prezantojnë artikuj të fajësimit kundër Trump të hënën, thanë për Reuters dy burime të njohura me këtë çështje.
