Kushti i vendosur për studentët për ndalimin e tyre në universitete pa dokumentat përkatëse të vaksinimit duket se ka rënë poshtë.
Studentët po hyjnë në universitete edhe pa pasur certifikatë vaksinimi apo të tjera dokumente që vërtetojë që nuk janë të infektuar. Dy javë nga nisja e vitit të ri akademik, mbajtja e maskës është i vetmi kusht që studentët të mund të ndjekin fizikisht procesin mësimor në auditorë.
Shumë zhurmë për asgjë, thonë studentët, mbi qëndrimet e institucioneve të shëndetësisë, apo politikës lidhur me detyrimin për të qenë të vaksinuar për të mundur të ndjekur procesin fizik mësimor në auditorë.
Mbajtja e maskës mbetet aktualisht i vetmi kusht që studentët të mund të hyjnë në ambientet e fakulteteve.
Kundërshtive të studentëve duket si u janë dorëzuar edhe rektorët e universiteteve. Në mbledhjen e fundit të zhvilluar të premten, Rektori i Universitetit të Tiranës, Artan Hoxha tha se pasja e një certifikate vaksinimi apo të tjera dokumenteve që konfirmojnë mosinfektimin nga Covid-19 nuk janë kusht detyrues për praninë fizike të studentëve në auditorë.
Rikujtojmë se Ministrja e Shëndetësisë dhe Mbrojtjes Sociale Ogerta Manastirliu, ju ka bërë apel të gjithë arsimtarëve që ende nuk janë vaksinuar, studentëve e pedagogëve, të paraqiten në qendrën më të afërt të vaksinimit për të kryer vaksinën ndaj COVID19.
Manastirliu bëri me dije se nuk do mund të hynë në shkollë pa zbatuar urdhrin për tu pajisur me çertifikatën e vaksinimit nga personeli arsimor në të gjitha shkollat e vendit
