Gazetari Artan Hoxha në një intervistë për ABC, ka rrëfyer detaje për kohën Eldi Dizdari u arrestua në Emiratet e Bashkuara për llogari të drejtësisë italiane. Sipas gazetarit, Dizdari ishte shkak për pushimin nga puna të 20 punonjësve të institucionit ku vuante dënimin, pasi u akuzuan se ata ishin korruptuar me 1 milionë dollarë. Hoxha shkon më tej duke thënë se Dizdari asokohe jetonte si “mbret” në burg dhe gëzonte shumë privilegje. Sipas tij ai hante në burg ushqime nga restorantet më të mira në Dubai, takohej shpesh me familjarët edhe pse ishte koha e Covid, si dhe brenda në burg arriti të fusë një telefon që kishte një program të kriptuar.
“Gjatë kohës që ai ka qenë në burg në Dubai, ka patur një ngjarje tjetër, janë arrestuar 22 punonjës të burgut ku mbahej Dizdari për shkak të akuzave për korrupsion. Ata akuzohen se e kanë ulur nivelin e sigurisë, duke lejuar që Dizdarit ti shkonin ushqime nga restorantet më të mira në Dubai, të takohej më shpesh me familjarët, së treti ai kishte mundur të fuste brenda burgut një telefon i cili punonte me një program të kriptuar, i cili përdorej gjerësisht nga bota e krimit. Ishte një program që e futi FBI Amerikane”, tha Hoxha.
