Kryebashkiaku i Tiranës Erion Velaj ka njoftuar ditën e sotme me anë të një postimi në rrjetin social Facebook se festivali i njohur “Sunny Hill Festival”, do të mbahet edhe në Prishtinë edhe në Tiranë. Më herët ishte njoftuar se ky festival për shkak të mosmarrëveshjeve në Prishtinë, do të mbahej në Tiranë. Kye event mbledh shumë shqiptar nga të gjitha vendet e botës dhe organizohet nga babai i Dua Lipës. Është një festival muikor dhe artistik, ku marrin pjesë këngëtarë shqiptar të njohur si dhe emra të muzikës ndërkombëtare.
Veliaj shkruan se këtë vit do të jetë një edicion special të “Sunny Hill Festival”. Ai do të mbahet në Prishtinë përkatësisht në datat 4, 5, 6 dhe 7 gusht, kurse në Tiranë në datat 26, 27 dhe 28 gusht.
“Sunny Hill Festival – Edhe në Prishtinë, edhe në Tiranë! A jeni gati për një super verë elektrizuese në të dyja kryeqytetet shqiptare? Jam shumë i lumtur që edicioni special i këtij viti i “Sunny Hill Festival”, do të mbahet në Prishtinë në datat 4, 5, 6 dhe 7 gusht, kurse në Tiranë në datat 26, 27 dhe 28 gusht. Një super lajm për të gjithë! BASHKË!”, shkruan Veliaj.
Ndërkohë edhe Ministria e Kulturës (në emër të Qeverisë së Kosovës), Komunës së Prishtinës dhe Sunny Hill Festival ka dalë me një deklaratë e përbashkët ku konfirmon datat e dhëna nga edhe nga Veliaj.
Deklarata e Ministrisë së Kulturës, Komunës së Prishtinës dhe Sunny Hill Festival
Sunny Hill Festival mbahet në shtëpinë e vet, në Prishtinë, më 4, 5, 6 dhe 7 gusht 2022. Qeveria e Kosovës, Komuna e Prishtinës dhe Sunny Hill Festival bashkojnë forcat për një edicion të mrekullueshëm të festivalit sivjet, aty ku e ka vendin, në Prishtinë.
Institucionet qendrore dhe lokale bashkërisht, sipas mandatit që kanë do të ofrojnë mbështetje të plotë për edicionin e sivjetmë, i cili do të mbahet në një lokacion të përshtatshëm. Të gjithë shprehin gatishmërinë që çështja e shfrytëzimit afatgjatë të tokës të diskutohet edhe pak kohë deri në gjetjen e një zgjidhjeje të qëndrueshme.
Synimi i përbashkët është që nga viti i ardhshëm, festivali Sunny Hill të organizohet në lokacionin e vet afatgjatë. Në frymën e bashkëpunimit të shkëlqyeshëm kulturor mes Kosovës dhe Shqipërisë, një edicion i veçantë me një line-up tjetër do të mbahet në fund të muajit gusht në Tiranë më 26, 27 dhe 28 gusht.
Në Prishtinë, Sunny Hill Festival për këtë vit ka përgatitur lineup-in më të fuqishëm nga festivalet e rajonit ku përveç artistëve të njohur si Diplo, Skepta, DJ Regard, AJ Tracey, Mahmood dhe artistët më të njohur shqiptarë, për këtë edicion pritet të zbulohen edhe dy artistë shumë të mëdhenj botëror. Një verë e jashtëzakonshme i pret të gjithë shqiptarët në Prishtinë dhe në Tiranë.
Ministria e Kulturës, Komuna e Prishtinës dhe Sunny Hill Festival
