Ministri i Brendshëm, Ervin Hoxha, gjatë fjalës së tij në Kuvend, theksoi se zgjatja e afatit për mjetet e identifikimit është një garanci për të drejtat e shqiptarëve jashtë vendit që dëshirojnë të votojnë në zgjedhjet e 11 majit.
Ai theksoi kontributin e jashtëzakonshëm të diasporës në fushat ekonomike dhe kulturore, duke e quajtur këtë hap të domosdoshëm për 520 mijë shqiptarë që janë të interesuar të ushtrojnë të drejtën e votës.
“Pas diskutimeve në komisionet parlamentare, duhet bërë zgjatja e afatit të mjeteve të identifikimit. Këto hapa janë të domosdoshëm.
Diaspora jep kontribut të jashtëzakonshëm në aspektin ekonomik dhe kulturor.Dhe të garantojmë angazhimin e tyre në vendimmarrjen në vendit tonë. Mbetemi të përkushtuar të respektojmë të drejtat e qytetarëve kudo që ndodhen ata.
Numri është rreth 520 mijë shtetas”,-tha Hoxha.
