Ish-ministri i Mbrojtjes, Fatmir Mediu pas përfundmit të seancës gjyqësore në SPAK ka deklaruar për mediat se emrat që janë thirrur si dëshmitarë në sallën e gjyqit, janë marrë formalisht.
Ai u shpreh se dëshmitarët e prokurorisë refuzojnë të dëshmojnë, çka tregon se edhe prokuroria i ka sjellë si dëshmitarë formalë.
“Besoj është gjëja më e drejtë që nëpërmjet pyetjeve të dalë e vërteta. Letërporositë janë një akt formal. Nuk e kuptoj pse nuk u bë në atë formë kur drejtësia amerikane e ka mundësuar.
Duket që prokuroria nuk po jep asnjë të dhënë të re. Dëshmitarët e prokurorisë refuzojnë dëshminë. Mospërgjigja e tyre tregon që edhe prokuroria i ka sjellë si dëshmitarë formalë”, tha ai para gazetarëve.
Kujtojmë se senaca për Gërdecin është shtyrë sërish dhe do të mbahet me 9 prill, ku do dëshmojnë 5 shtetas amerikanë sa i takon procesit të Gërdecit.
Bëhet me dije se avokatët kanë kundërshtuar këtë vendim të gjykatës, që ata të pyeten përmes letërporosive. Kërkohet që këta shtetas të pyeten video-konferencës gjatë seancës gjyqësore.
