Seanca për pretencën e ish-kryebashkiakut të Himarës, Jorgo Goro, u shty për shkak të mungesës së tij në sallë.
Në deklaratën e gjykatës nuk u përcaktua data apo ora e mungesës, ndërsa arsyeja e mospranisë së tij mbetet e paqartë.
Gjykata vendosi që seanca e radhës të zhvillohet të premten, më 4 korrik, në orën 11:00.
Hetimet e kryera nga SPAK kanë zbuluar se Jorgo Goro, gjatë kohës që mbante postin e kryebashkiakut të Himarës, në bashkëpunim me ish-zyrtarët Jerasimo Bashi dhe Vasillaq Strakosha, ka miratuar kalime prone në mënyrë të parregullt, duke dëmtuar disa banorë të zonës.
Kjo çështje ka nisur pas kallëzimit të bërë nga Fredi Beleri, i cili pretendon se në vitin 2016 Goro i ka dhuruar pasardhësit të tij në detyrë, Arqile Bollano, një sipërfaqe toke prej 4,263 metra katrorë.
