Shteti Islamik (ISIS) ka marrë përgjegëjsinë për një sulm vdekjeprurës jashtë aeroportit të Kabulit të enjten. Diçka të tillë e ka bërë të ditur Agjencia e Lajmeve Amaq e grupit në kanalin e saj Telegram.
Një sulmues kamikaz nga grupi militant islamik “arriti të hynte në një tubim të madh të përkthyesve dhe bashkëpunëtorëve me ushtrinë amerikane në Baran Camp pranë Aeroportit të Kabulit dhe hodhi në erë brezin e tij shpërthyes mes tyre, duke vrarë rreth 60 njerëz dhe duke plagosur më shumë se 100 të tjerë, përfshirë luftëtarët talebanë”, tha agjencia.
Tre shpërthime ndodhën jashtë aeroportit të Kabulit të enjten, duke lënë të vrarë të paktën 60 persona dhe duke plagosur më shumë se 150 të tjerë.
Shpërthimet ndodhën në mes të turmave jashtë aeroportit të cilët janë grumbulluar prej ditësh me shpresën për të shpëtuar, duke u larguar nga vendi me transport ajror, për të cilin Shtetet e Bashkuara thonë se do të përfundojë të martën, pas marrjes së shpejtë të vendit nga talebanët.Mes të vrarëve ishin edhe 12 pjesëtarë të shërbimit amerikan, nga këta 11 marinsa amerikanë dhe 1 mjek të Marinës. Dhjetra të tjerë dyshohet se janë plagosur. Prej shkurtit të vitit 2020, kjo është hera e parë që pjesëtarë të shërbimit amerikan mbeten viktima në Afganistan.
