Banorët e prekur nga tërmeti shkatërrues i disa muajve më parë në Korçë, po jetojnë ende në qiell te hapur.
Ata kanë dalë në protestë, pasi pretendojnë se rregullimi i i shtëpive po bëhet në mënyrë selektive, raporton “Report tv”.
Sipas tyre, lista e punimeve është sipas partive që mbeshtesin banorët.
Më tej banorët shtojnë, se situta është alarmane dhe janë duke fjetur në kasolle.
“Jemi në qiell të hapur. Po flemë në kasolle. Askush nuk mendon për ne. lista është selektive më anë të partive. Jemi në situatë alarmante. Po na gënjejnë. Duam zgjidhje. Dimri po afron dhe s’kemi ku të shkojmë. I lutemi kryeministrit të vërë dorë dhe të na ndihmojnë. Të ngihet një komision nga qeveria sepse pushteti këtu po na vjedh”, u shprehen banorët.
Ndërkohë, kreu i Emergjencave Civile, Haki Çako, ka thënë më herët, se 120 shtëpi janë në rikonstruksion, ndërsa 40 të tjera do të ndërtohen nga fillimi.
Kujtojmë këtu , se nga tërmeti i 1 qershorit në juglindje, u dëmtuan shumë banesa në fshatrat Floq, Qafëzezë dhe Vidohovë.
