Gjermania ka siguruar një vend në finalen e Kampionatit Europian për të rinjtë U-21, pas fitores bindëse 3-0 kundër Francës në gjysmëfinale.
Protagonistë në këtë ndeshje ishin Nelson Weiper dhe Brajan Gruda, të cilët shënuan nga një gol secili, së bashku me Woltemade. Vlen të theksohet se Weiper dhe Gruda janë dy emra që përmenden si kandidatë të mundshëm për t’u bashkuar me përfaqësuesen shqiptare në të ardhmen.
Me këtë sukses, Gjermania i bashkohet Anglisë në finalen e madhe, e cila ishte kualifikuar më parë pas fitores 2-1 ndaj Holandës. Finalja e turneut do të luhet të shtunën, më 28 qershor, mes dy prej skuadrave më të forta të këtij edicioni.
