Të ndodhurit para faktit se ne jemi duke e përdorur antibiotikun edhe për virozat gripale, mjekët vazhdojnë të bëjnë thirre për ndalimin e kësaj procedure pasi mund të rezultojë e rrezikshme.
Shqipëria me të drejtë renditet ndër vendet që e përdor më shumë antibiotikun edhe pse alarmi ka kohë që është dhënë.
Për News24, mjeku infeksionit Dr. Tritan Kalo ka thënë se:
E para, janë vet pacientët që shkojnë në farmaci pa recetë mjeku dhe marrin antibiotik.
E dyta, mjekët e familjes nga padija apo presioni recetojë antibiotik edhe pse janë në situatë gripale.
Ashtu siç dihet, por edhe siç na transmeton mjeku Kalo, antibiotiku trajton infeksionet dhe jo virozat.
Sipas Dr. Kalos ky është problem serioz, pasi mentaliteti i gabuar bën që njerëzit të përdorin antibiotik për uljen e temperaturës.
“Sipas shifrave antibiotiko-mania po njeh rritje nga viti në vit referuar sasisë së antibakterialeve që importohen tregues që rriten ndërsa popullata po largohet jashtë. Nëse antibiotiku nuk përshkruhet nga mjeku dhe merret jo në përputhje me llojin e bakterit duke u marrë në dozë të pamjaftueshme nuk e shëron infeksionin dhe rrit rezistencën ndaj antibiotikut. Janë të shumta rastet kur prindërit i bëjnë presion mjekut që të përshkruajë në recetë antibiotik për ulje temperature në rastet kur fëmija e tyre ka temperaturë çka është aspak shkencore dhe e gabuar. 70 % e infeksioneve në kohën e dimrit janë me origjinë virale dhe përdorimi i antibiotikëve është totalisht jo efikas.”-shprehet mjeku i njohur.
