Shqipëria është “viktimë” e hakërimit ku të dhënat e disa prej institucioneve me të rëndësishme kanë “dalë sheshit”. Ndërkohë që lidhur me këtë çështje ka ardhur një reagim nga kreu i Partisë së Lirisë, Ilir Meta, i cili bën fajtor kryeministrin Edi Rama.
Gjithashtu Meta deklaron se kryeministri Rama tentoi që edhe portalin e-albania ta bënte pjesë e veprimeve të bankave, por që fatmirësisht kjo gjë nuk u pranua nga BSH. Ai kërkon që të bëhet transparencë me planin e masave të marra si dhe garantimin e sigurisë së sistemeve, ku Prokuroria sipas tij duhet të bëjë një hetim të thelluar dhe serioz.
“Rama në 6 maj 2022, kërkoi t’u impononte bankave kryerjen e shërbimeve nëpërmjet e-albania. Gjë që u refuzua prerë nga banka e Shqipërisë e banka të tjera. Kjo kërkesë e çuditshme vinte në një kohë hakerimesh. Ekspertët theksojnë që hakerat kanë depërtuar në të dhënat e shqiptarëve që në maj 2021, dhe janë kryer veprime të tjera hakërruese, tetor 2021, janar 202. Kërkojmë të bëhet transparencë e plotë se çfarë ka ndodhur realisht. Transparencë me planin e masave dhe garantimin e sigurisë së sistemeve. Prokuroria të bëjë urgjent një hetim të thelluar e serioz, për evidentimin e përgjegjësive të qeverisë e institucioneve të tjera…” , deklaron Meta.
