Shqipëria do të përballet këtë të shtunë në mbrëmje me Çekinë, në ndeshjen e vlefshme për raundin e pestë të Ligës së Kombeve.
Në stadiumin “Air Albania” pritet një atmosferë e zjarrtë, me kuqezinjtë që do të kërkojnë me ngulm fitoren.
Objektivi kryesor i Shqipërisë është vendi i parë në grup, dhe një fitore kundër çekëve do ta afronte më shumë këtë synim.
Mbështetur nga 22 mijë tifozë, Shqipëria synon të përsërisë suksesin e një viti më parë, kur triumfoi 3-0 ndaj Çekisë.
Megjithatë, këtë herë ndeshja pritet të jetë më sfiduese, dhe trajneri Silvinjo është i vetëdijshëm për këtë.
Ai theksoi se ekipi do të hyjë në fushë për të dhënë maksimumin.
Kuqezinjtë kërkojnë revansh për humbjen në ndeshjen e parë, ku çekët fituan 2-0.
Aktualisht, Çekia kryeson Grupin B1 me 7 pikë, ndërsa Gjeorgjia dhe Shqipëria ndajnë vendin e dytë me nga 6 pikë secila.
Ndeshja Shqipëri-Çeki do të luhet në “Air Albania” dhe do të nisë në orën 20:45.
