Vendi është përfshirë nga në një krizë ekonomike, ndërsa rritja e çmimeve është një problem vërtet shqetësues për qytetarët.
Por mesa duket për qeverinë, prioriteti duhet të jetë tek një tjetër askpekt.
Kryeministri Edi Rama është shprehur ditën e sotme se duke u bazuar në përgjigjet që janë dhënë në platformën e Këshillimit Kombëtar, shumë shpejt do të legalizohet kanabisi për arsye mjekësore.
Sipas Ramës të gjitha mendimet e qytetarëve që janë votuar me shumicë, në pyetjet e Këshillimit Kombëtar do të realizohen. “Të gjitha pyetjet ose më saktë dilemat i kemi pasur në tryezë të vendimmarrjes sonë prej disa kohësh. Pikërisht se përse kemi pasur dilemë përkrahjen e vendimmarrjes kemi parë rrugën më të mirë të mundshme që t’i drejtohemi qytetarëve pa asnjë dallim juridik. Tani personalisht jam i lehtësuar për vendimmarrjet. Zëri i qytetarëve është kumbues dhe ne do të bëjmë ekzaktësisht atë që qytetarët kërkojnë, disa gjëra më shpejt, disa më pak ngadalë. Proces është ky, por shumë shpejt brenda pak ditësh do të shihni anëtarët e kabinetetit që do të dalin me angazhime konkrete, për t’i kthyer njerëzve besimin që i kanë kthyer këtij procesi. Ne do të legalizojmë kanabisin për përdorim jetësor dhe do të hapim një front të ri pune. Çfarë qytetarët kanë thënë do të bëhet, nuk diskutohet”, u shpreh kryeministri Rama. /Gazeta Reforma
