Aleksey, një ish-inxhinier i nëndetëseve që tani riparon makinat për të siguruar jetesën, ka shpëtuar më shumë se 175 të rritur dhe fëmijë nga qyteti i tij i lindjes, Mariupol, sipas skynews.
Ai është kthyer herë pas here në qytet, për të ndihmuar njerëzit të largohen me makinën e tij, të cilën ai e quan “shpëtimtarja” e tij
pasi ndihmoi atë dhe të tjerët të arratiseshin.
Mariupoli është qyteti më i bombarduar nga forcat ruse, ndërsa civilët kanë mbetur pa ushqime dhe ujë të pijshëm për ditë të tëra.
Kujtojmë se Roman dhe Leonid Butusin u lindën në Vladivostok, në Lindjen e Largët të Rusisë, por që të dy vdiqën duke luftuar për ushtrinë e Ukrainës, kundër pushtuesve rusë. Në funeralin e tyre, njerëzit u gjunjëzuan në rrugë, në shenjë respekti. “Ata ishin ukrainas të vërtetë”, thanë pjesëmarrësit. Babai i tyre e kishte zhvendosur familjen në Ukrainë më 2014, pasi ishte mërzitur nga zaptimi i Krimesë nga ana e Rusisë dhe nga mbështetja ruse për separatistët në rajonin lindor ukrainas të Donbasit. Ushtar, sikurse djemtë e tij, ai tha gjatë funeralit se, së shpejti do të kthehet në vijën e frontit.
Një kamp veror fëmijësh në Ukrainë është vend i një barbarizmi tjetër të tmerrshëm. Në një bodrum, kishte trupa të pajetë me duart e lidhura prapa shpinës dhe me vrima plumbash në kokë. Autoritetet ukrainase kanë thënë se ky ishte krim lufte i kryer nga forcat ruse. Kujdes: Përmbajtja mund të jetë shqetësuese për disa shikues!
