Hetimi i shpërthimit në Bejrut u pezullua pas kërkesës për largimin e gjyqtarit. Në gusht të 2020 një shpërthim i fuqishëm ndodhi në portin e Bejrutit. Hetimet në lidhje me shpërthimin mësohet se janë pezulluar, pasi ish -ministri i Brendshëm Nouhad Machnouk ka njoftoi zyrtarisht hetuesin për pushimin e çështjes kundër tij.
Duke u bazuar në ligjin libanez, gjykatësi i kësaj çështje, Tarek Bitar është detyruar të ndalojë hetimet për këtë çështje.
Ai kishte paraqitur kërkesa të reja në Ministrinë e Brendshme dhe Komunat për të thirrur shefin e Sigurisë së Përgjithshme Gjeneral, Major Abbas Ibrahim dhe Shefin e Sigurisë së Shtetit, Gjeneral Major Tony Saliba të hënën dhe për këtë duhet ët anulonte të merrte në pyetje dy gjeneralë brigade.
Tani i ngelet në dorë institucionit gjyqësor që të përcaktojë nëse Bitar do të vazhdojë të udhëheqë hetimin, apo do të duhet të mbyllen përfundimisht.
Machnouk, një parlamentar në detyrë, si dhe ish-ministri i Punëve Publike Youssef Finianos, kërkoi të hiqte Bitarin nga hetimi i shpërthimit javën e kaluar, duke akuzuar gjyqtarin për paragjykime dhe sjellje të pahijshme.
Më shumë se 200 njerëz u vranë në shpërthimin në Bejrut më 4 gusht 2020, pasi shpërtheu një stok i madh i nitratit të amonit, i cili qëndronte në port për vite me radhë dhe nuk, kishte asnjë kusht sigurie.
Rreth 6,500 njerëz u plagosën dhe lagje të tëra në kryeqytetin e Libanit u shkatërruan.
Shpërthimi ishte një nga shpërthimet më të mëdha jo-bërthamore të regjistruara dhe ishte incidenti më shkatërrues i vetëm në historinë e trazuar të vendit.
Kujtojmë se gjyqtari Bitar është sulmuar nga udhëheqësit libanezë muajt e fundit pasi ka vazhduar të ndjekë zyrtarë të lartë politikë dhe të sigurisë, përfshirë ish-ministra, ish-kryeministrin Hasan Diab dhe zyrtarë të lartë të sigurisë.
Pasi paraqiti ankesën e tij ligjore kundër Bitarit, Finianos akuzoi gjyqtarin për “sjellje jonormale” dhe “standarde të dyfishta” gjatë kryerjes së hetimit.
Javën e kaluar, një zyrtar i lartë i sigurisë së Hezbollahut gjithashtu kërcënoi Bitarin gjatë një takimi personal në zyrën e gjyqtarit.
