Një shpërthim i fuqishëm ka ndodhur ditën e sotme në Kalamata të Greqisë, prej ku kanë mbetur të vdekura tre gra.
Shpërthimi ka ndodhur në një restorant dhe nga të dhënat e para thuhet se shkak i kësaj ngjarje është bërë rrjedhja e gazit në pjesën e kuzhinës.
Sipas mediave greke, viktimat e shpërthimit kanë mbetur dy punonjëse të restorantit dhe gruaja e pronarit. Sipas raportimeve, shpërthimi ndodhi rreth orës 21:15, në një kohë kur restoranti ishte i mbushur me klientë.
Të parët në vendngjarje ka ardhur policia dhe personeli i ndihmës mjekësore, të cilët janë përpjekur të japin ndihmën e parë.
Ndërkohë ende nuk ka të dhëna për identitetin e viktimave apo edhe numrin e saktë të të plagosurve.
