Një nga limuzinat zyrtare të presidentit rus, Vladimir Putin, është përfshirë nga flakët pas një shpërthimi.
Ngjarja ka ndodhur pranë selisë së shërbimit sekret FSB në Lubyanka, Moskë, ku një limuzinë Aurus, pjesë e flotës presidenciale, ka shpërthyer duke shkaktuar një zjarr të madh.
Kalimtarët raportojnë se tym i dendur i zi dilte nga pjesa e përparme e automjetit, i cili vijoi të digjej.
Ende nuk dihet kush ndodhej në makinë në momentin e shpërthimit, por burimet sugjerojnë se automjeti i përket Departamentit të Menaxhimit të Pronës Presidenciale.
Fatmirësisht, asnjë person nuk ka mbetur i lënduar.
Nuk ka informacione të sakta mbi shkakun e incidentit, ndërsa Putin, i cili zakonisht përdor automjete të prodhuara në Rusi, ka kërkuar hetim mbi rastin.
