Dy persona janë plagosur si pasojë e shpërthimit të një bombole gazi në një lokal në Durrës. Ngjarja ka ndodhur në lokalin e shtetasit M.B., i cili ka mbetur i plagosur e po ashtu është plagosur edhe një kliente 35-vjeçare. Ata ndodhen nën kujdesin e mjekëve dhe janë jashtë rrezikut për jetën.
Ndërkohë, policia njofton se në fshatin Perlat në Manëz, një 67-vjeçar i ka vendosur zjarrin banesës së tij dhe si pasojë ka pësuar lëndime dhe tashmë ndodhet në spital nën kujdesin e mjekëve.
Njoftimi i plotë i policisë:
Durrës/Informacione paraprake
Më datë 21.09.2021, rreth orës 14:45,në Kallm, Durrës, dyshohet se si pasojë e rrjedhjes së gazit ka marrë flakë dhe më pas ka shpërthyr një bombël gazi në lokalin e shtetasit M. B.
Nga shpërthimi i bombulës së gazit janë lënduar shtetasit M. B., 28 vjeç (pronari i lokalit) dhe shtetasja M. K., 35 vjeçe, (kliente), të cilët ndodhen nën kujdesin e mjekëve, jahstë rrezikut për jetën.
Rreth orës 15:15, në fshatin Perlat, Manëz, shtetasi B.I., 67 vjeç, dyshohet se i ka vendosur zjarrin banesës së tij e për pasojë ka pësuar lëndime dhe ndodhet në kujdesin e mjekëve.
Grupet hetimore ndodhen në vendngjarje dhe po punojnë për zbardhjen e plotë rrethanave të ngjarjeve.
