Shpërndanin para të falsifikuara, Prokuroria e Elbasanit “fundos” 6 të arrestuarit

Këtë të enjte Prokuroria e Elbasanit kërkoi 39 vite burg për 6 të arrestuarit të cilët falsifikonin kartëmonedha dhe më pas i shpërndanin. Grupi u pikas nga policia dhe provat ndaj tyre u morën përmes një agjenti të infiltruar i cili bleu para të falsifikuara na ata.

Në përfundim të gjykimit të procedimit penal, Prokuroria pranë Gjykatës së Shkallës së Parë Elbasan kërkoi:

1. Të deklarohet fajtor i pandehuri K.B., për veprën penale të “Falsifikimi i monedhave në bashkëpunim”, e parashikuar nga neni 183/2 i K.Penal, dhe në zbatim të këtij neni të dënohet me gjashtë vjet burgim;
2. Të deklarohet fajtor i pandehuri J.H., për veprën penale të “Falsifikimi i monedhave në bashkëpunim”, e parashikuar nga neni 183/2 i K.Penal, dhe në zbatim të këtij neni të dënohet me gjashtë vjet burgim;
3. Të deklarohet fajtor i pandehuri D.K., për veprën penale të “Falsifikimi i monedhave në bashkëpunim”, e parashikuar nga neni 183/2 i K.Penal, dhe në zbatim të këtij neni të dënohet me gjashtë vjet burgim;
4. Të deklarohet fajtor i pandehuri F.K., për veprën penale të “Falsifikimi i monedhave në bashkëpunim”, e parashikuar nga neni 183/2 i K.Penal, dhe në zbatim të këtij neni të dënohet me gjashtë vjet burgim;
5. Të deklarohet fajtor i pandehuri N.L., për veprën penale të “Falsifikimi i monedhave në bashkëpunim”, e parashikuar nga neni 183/2 i K.Penal, dhe në zbatim të këtij neni të dënohet me gjashtë vjet burgim, zbatim i nenit 59 Kodit Penal;
6. Të deklarohet fajtor i pandehuri A.L., për veprën penale të “Falsifikimi i monedhave në bashkëpunim”, e parashikuar nga neni 183/2 i K.Penal, dhe në zbatim të këtij neni të dënohet me gjashtë vjet burgim;
7. Të deklarohet fajtor i pandehuri A.L, për veprën penale të “Ndihma për kalim të paligjshëm të kufijve” të parashikuar nga neni 298/2 i Kodit Penal, dhe në zbatim të këtij neni të dënohet me tre vjet burgim, sepse është kapur dhe duke transportuar emigrantë në mënyrë të kundraligjshme.
8. Në aplikim të nenit 55 të Kodit Penal dhe në bashkim të dënimeve të dënohet përfundimisht me nëntë vjet burgim.
9. Në mbështetje të neneve 190 pika 1 gërma “b” dhe 391 të Kodit të Procedurës Penale të deklarohen të falsifikuara (kartëmonedhat e sekuestrura) mbajtja dhe qarkullimi i të cilave është i ndaluar të zhduken.

Në total u kërkuan 39 vite burgim për të pandehurit