Gjykata e Kosovës ka dënuar me 2,6 vite burg, ish-ministrin e Shëndetësisë, Ferid Agani, së bashku me sekretarin e përgjithshëm të kësaj ministrie, Gani Shabani. Ky i fundi është dënuar nga drejtësia me 2 vite burg, pasi u faktua përmes provave se dy zyrtarët kishin shpërdoruar detyrën për rastin e njohur si ‘Stentat’.
Ish-ministri Ferid Agani dhe Gani Shabani akuzohen se kanë vepruar në kundërshtim më Ligjin për Prokurimin Publik dhe Udhëzimet Administrative të Ministrisë së Shëndetësisë, duke lejuar pagesat për trajtimin e pacientëve jashtë institucioneve publike shëndetësore për periudhën 2011 -2015.
Sipas burimeve theksohet se në total janë 50 persona që akuzohen për rastin, por me qëllim optimizimin e çështjes, ish-ministri dhe ish-sekretari u gjykuan ndarazi me pjesën tjetër.
