Një grabitje ka ndodhur paraditen e sotme rreth orës 09:15, në Babrru.
Dy persona ende të paidentifikuar, të maskuar me kapuçët e xhupave që kishin veshur, kanë hyrë në filialin e Postës Shqiptare, ku kanë marrë një shumë parash rreth 200.000 lekë dhe janë larguar me biçikleta.
Grupi hetimor ndodhet në vendngjarje dhe po punon për identifikimin dhe kapjen e autorëve.
Ndërkohë zbardhen detaje të reja nga grabitja e filialit të Postës Shqiptare në zonën e Babrrusë, në kryeqytet, ku autorët kanë marrë një shumë prej 200 mijë lekësh dhe janë larguar me biçikleta.
“BalkanWeb” raporton se shuma e parave të grabitura ka qenë mbi banak të postës, kur dy autorët, të rinj në moshë, kanë hyrë brenda dhe i kanë marrë. Autorët kanë kërcënuar punonjësit, duke iu thënë “shpejt lekët”, dhe ata nuk kanë bërë rezistencë.
Grabitësit, të cilët dyshohet se janë adoleshentë, kanë pasur grusht hekuri me vete, kapuça në kokë dhe shallë në fytyrë. Por punonjësit deklarojnë se dy të rinjtë kanë qenë me pistoleta dhe i kanë kërcënuar me armë.
“Më datë 15.12.2021, rreth orës 09:15, në Babrru, dy persona ende të paidentifikuar, të maskuar me kapuçët e xhupave që kishin veshur, kanë hyrë në filialin e Postës Shqiptare, ku kanë marrë një shumë parash rreth 200.000 lekë dhe janë larguar me biçikleta. Grupi hetimor ndodhet në vendngjarje dhe po punon për identifikimin dhe kapjen e autorëve.Shërbimet e Policisë po krehin zonën, për të bërë të mundur kapjen e tyre”, thuhej në njoftimin e policisë së shtetit.
