Kampionati Evropian i Futbollit, “EURO 2024” do të mbahet në Gjermani nga 14 qershoi deri në 14 korrik.
Deri më tani është mbyllur faza e eleminatoreve, ku skuadrat përfaqësuese të shteteve në Europë kanë luajtur për të shkruar në Europian.
Plot 24 ekipe kombëtare do të marrin pjesë në këtë evenimet futbolli, ku të kualifikuara janë Shqipëria, Belgjika, Danimarka, Anglia, Franca, Italia, Kroacia, Holanda, Austria, Portugalia, Rumania, Skocia, Zvicra, Serbia, Sllovakia, Sllovenia, Spanja, Republika Çeke, Turqia dhe Hungaria dhe Gjermania.
Ndërsa, tre vendet e mbetura bosh do të përcaktohen në fund të marsit 2024 në tre turne të ashtuquajtura “playoff”, secila me katër skuadra që u kualifikuan në Ligën e Kombeve që janë: Gjeorgjia, Luksemburgu, Finlanda, Bosnje-Hercegovina, Izraeli, Greqia, Ukraina, Kazakistani, Estonia, Polonia, Islanda dhe Uellsi.
Mirëpo, nesër do hidhet shorti për grupet e skuadrave që do përballen në Europian, pra edhe Shqipëria mëson nesër se kush do jenë kundërshtarët e saj në fushën e lojës.
Ekipet janë ndarë në katër vazo, në varësi të performancës së tyre në grupin e tyre kualifikues. Të tre skuadrat e kualifikuara përmes play-off-it përfundojnë në vazon e fundit 4. Gjermania si organizatore e eventitt është kryesuese e Grupit A dhe do të jetë një nga dy ekipet e ndeshjes hapëse më 14 qershor.
Kurse Shqipëria, e cila merr pjesë për herë të dytë në një kampionat evropian, ndodhet në vazon e dytë, së bashku me Hungarinë, Turqinë, Rumaninë, Danimarkën dhe Austrinë.
Ekziston një shans teorik, që Shqipëria të hapë Europianin përballë Gjermanisë.
