Një gardist është vetëplagosur aksidentalisht me armën e shërbimit këtë të premte. 28-vjeçari Fatjon Skënderi, shoqërues i kreut të Komisionit Qendror të Zgjedhjeve, Ilirjan Celibashi është vetëplagosur sot në ambientet e punës së tij, teksa po pastronte armën e shrëbimit. Teksa pastronte armën, pistoleta është shkrepur padashje dhe plumbi e ka kapur në dorë e këmbë brenda ambienteve të Komisionit Qendror të Zgjedhjeve.
Efektivi është dërguar në Spitalin Ushtarak në Tiranë ku po merr ndihmën e nevojshme mjekësore. Ndërkohë që në lidhje me rastin është njoftuar Agjencia e Mbikëqyrjes Policore, e cila po punon për zbardhjen e plotë të dinamikës së plagosjes.
“Më datë 24.05.2024, rreth orës 18:00, është paraqitur për të marrë ndihmë mjekësore në SUT, shtetasi F. S., 28 vjeç, punonjës pranë Gardës së Republikës, i cili dyshohet se është vetëplagosur me armën e shërbimit. Në lidhje me rastin është njoftuar AMP, dhe në bashkëpunim me grupin hetimor po punohet për sqarimin e rrethanave të ngjarjes,”- njoftoi Policia.
