Një ngjarje e rëndë ka ndodhur sot gjatë orëve të vona të natës ku ka mbetur i shkrumbuar plotësisht një lokal në Shëngjin, Lezhë. Sipas informacioneve të marra dhe kiontrolleve të shumta të kryera nga ana e policisë dhe nga shërbimet e tjera të emergjencës bëhet më dije se zjarri mund të jetë shkaktuar si pasojë e një mase elektrike tek pajisjet frigoriferike. Fatmirëisht nuk raportohet për persona të lënduar por vetëm për dëme materiale. Lokali i cili u përfshi nga flakët ishte në pronësi të shtetasit me iniciale E.B.,35 vjeç, banues në fshatin Manati, Lezhë.
Për kontrolle të mëtejshme për të zbuluar rrethanatat e plota të ngjarjes së ndodhur, materialet hetimore u referuan në Prokurorinë e Rrethit Gjyqësor Lezhë, duke e konsideruar kështu ngjarjen e sotme si një ngjarje aksidentale.
Njoftimi i policisë:
Më datë 31.08.2021, rreth orës 03:50, në Shëngjin, Lezhë, ka rënë zjarr në lokalin në pronësi të shtetasit E.B.,35 vjeç, banues në fshatin Manati, Lezhë duke shkaktuar vetëm dëme materiale.
Nga veprimet hetimore të kryera nga grupi hetimor nën drejtimin e Prokurorisë dyshohet se zjarri ka rënë si pasojë e një masë elektrike tek pajisjet frigoriferike.
Materialet hetimore u referuan në Prokurorinë e Rrethit Gjyqësor Lezhë, si ngjarje aksidentale.
