VLORË
Policia e Vlorës informon se një automjet është djegur gjatë natës në qytetin bregdetar jugor.
Uniformat blu të Vlorës thonë se ngjarja ka ndodhur në fshatin Panaja.
Mësohet se mjeti tip “Ford Mondeo”, është në pronësi të I.Sh dhe është shkrumbuar totalisht nga flakët, teksa ishte duke ecur.
Deri tani dyshohet se shkrumbimi i mjetit ka ardhur për shkak të një defekti teknuik, ndërsa ekpertët do të nxjerrin përfundimet.
“Mbrëmjen e kaluar, në fshatin Panaja ka marrë flakë në ecje e sipër dhe është djegur tërësisht automjeti tip Ford Mondeo, në pronësi të shtetasit I.Sh.
Nga veprimet e para hetimore dyshohet se shkaku është akaidental për shkak të një defekti teknik të automjetit”, njofton policia.
Në Vlorë, janë të shpeshta ngjarjet e djegieve të makinave. Përpos rasteve të defekteve teknike, shpesh herë pas fshihen arsye hakmarrje apo përplasjesh mes grupesh rivale.
