Ka shkuar në 304 numri i të prekurve nga COVID-19 në vendin tonë.
Zv. Ministrja e Shëndetësisë, Mira Rakacolli bëri me dije se në 24 orët e fundit janë kryer 112 teste, nga të cilët 27 prej tyre rezultuan pozitiv.
Në total deri më tani janë kryer 2031 teste, nga të cilët 304 raste kanë rezultuar pozitiv.
Një lajm i mirë është shërimi i 13 pacientëve të tjerë, duke e çuar numrin në 89.
Në spitalin Infektiv ndërkohë ndodhen 73 persona, 7 prej të cilëve në terapi intensive, ku dy janë intubuar.
Në spitalin COVID2, “Shefqet Ndroqi”, ndodhen 4 pacientë, dy prej të cilëve janë intubuar.
Në Shkodër numri i të prekurve është dyfishuar dhe bëhet fjalë për dy familje, për të cilat ka nisur hetimi epidemiologjik.
