Reshjet e fundit të shiut kanë krijuar gjendje kritike në vend. Mëngjesin e sotëm është njoftuar dhe dalja nga shtrati i lumit Bunë.
Rritje të prurjeve ka edhe në lumin Drin. Mësohet se mbrëmjen e të mërkurës në qytetin e Shkodrës janë evakuuar nga shtëpitë e tyre në qytet mbi dhjetë familje tek të afërmit e tyre dhe në strehime të tjera.
Pas reshjeve të djeshme, situata paraqitet mjaftë kritike në qarkun e Shkodrës. Qarkullimi në disa zona është i bllokuar tërësisht, si në rastin e fshatiti Obot, ndërsa në disa zona të tjera trasporti bëhet me vështirësi.
Uji ka rrethuar territorin që shtrihet në pjesën Veri Perëndimore të qytetit si lagjet nr.1 dhe nr. 2, në Livadhe, Xhabije, Tophanë, Zoteknikë, shtëpitë në lagjen Tepe, Perash.
Kurse në Njësinë Administrative të Dajçit, ka disa rrugë të bllokuara, është bërë e pamundur lëvizja me vetura në lagjen Mazija- Suka Dajç ndërsa rruga kryesore e Darragjatit mund të përshkohet vetëm me mjete të tonazhit të lartë.
Situata e përmbytjeve në Njësinë Administrative Dajç datë 11.02.2021
Hidrometri shënon 6.98 cm , me një rritje prej 11 cm në hidrometrin e Dajçit, 25 cm në vendin e quajtur Urrela të Shirqit në krahasim me 1 ditë më parë.
– 1800 ha tokë bujqësore e përmbytur (fshatrat Darragjat, Shirq, Mushan, Suka-Dajç, Belaj, Rrushkull, Samrish i Ri, Pentar-zona fushore).
-Rrugë të bllokuara Darragjat, Shirq, vendi i quajtur Urrelat e Shirqit lartësie e ujit arrin 150 cm në rrugë.
-Shtëpi të përmbytura 6
– Prezencë uji në oborre 121 shtëpi, Shirq 70, Mushan 10, Darragjat 11, Belaj 9, Rrushkull 12, Suka 9.
-Është bërë e pamundur lëvizja me vetura në lagjien Mazija- Suka Dajç.
-Është e pakalueshme rruga kryesore e Darragjatit dhe vetëm me mjete të tonazhit të lartë mund të lëvizet.
-Kërkohet ndërhyrje emergjente nga Bordi Rajonal Lezhë për të bërë të mundur mbylljen fundore të argjinatures së Darragjatit pasi uji vërshon në zonën e banuar.
-Kërkohet që të lihet në dispozicion një mjet ushtrie për komunikimin e banorëve me rrugën kryesore.
– Makina e Ushtrisë në gatishmëri ora 07:45- 16:00 tek Dispeçeri Mushan.
-SPZ e zonës në gatishmëri .
-Qendrat shendetësore në gatishmëri
– Energji elektrike kemi në gjithë zonën, por me shkëputje.
-Në disa toka bujqësore lartësia e ujit arrin 2m.
-Nevoja për bazë ushqimore për gjënë e gjallë mbetet parësore.
