Rruga e “Arbrit” është një ndër segmentet e cila u hap me bujë nga kryeministri Edi Rama, kryeministri i propagandave. Ndonëse nuk ishte ende gati që qytetarët ta përdornin për qëllimet e tyre, Rama nuk nguroi dhe e inauguroi këtë aks që në gjithë periudhën e dimrit dhe tani në ditët me reshje shfaq probleme serioze për qytetarët, kryesisht dibranët.
Rruga e “Arbrit” u hap ditën e hënë më datë 29 nëntor. Me rastin e Festave të Pavarësisë. Mirëpo kjo rrugë lë shumë për të dëshiruar pasi në kohë me shi, borë bëhet një aks tejet i rrezikshëm për të gjithë ata që e përdorin, Shumë herë gjatë dimrit rruga është mbyllur deri në momentin që janë rritur pak temperaturat, pasi ngrica dhe asfaltimi i dobët i rrugës nga firma kontraktuese vështirësonte qarkullimin në këtë aks që shpesh nga qytetarët është konsideruar si tallje e qeverisë me ta.
Dëshira e madhe për ta inauguruar këtë rrugë para se të përfundonte plotësisht ka nxjerrë në pah shumë problematike. Rruga ka vijuar të ketë shembje të dherave duke u kthyer në rrezik. Rikthimi i reshjeve të shiut ka rritur rrezikun e bllokimit të qarkullimit në rrugën e “Arbrit”. Masivi i dheut në malin pranë tunelit të Murrizit vijon të bjerë në rrugë, duke rrezikuar mjetet që vijojnë të qarkullojnë në drejtim të Tiranës dhe Dibrës.
Kujtojmë se para 5 ditësh në këtë segment, pati një rënie të madhe dheu nga shpati i malit pak metra larg hyrjes së tunelit të Murrizit. Është dashur një punë prej afro 20 orësh me dy mjete që firma të largonte qindra metër kub dhera të rënë në asfalt.
