Mazhoranca e ka pasur të vështirë ta mbrojë gjestin e ministrave të saj që hanin e pinin në Dubai. Por e çuditshme ka qenë edhe opozita, e cila është treguar e kujdesshme në kritikat e saj. Madje në fillim Basha nuk u ndje fare për ato pamje. Në një darkë në Dubai shfaqen disa zyrtarë të lartë të Qeverisë, ku pamjet kanë revoltuar rrjetin social këto dy ditë. Kjo, duke qenë se pamjet janë shfaqur ndërkohë që Shqipëria prej disa ditësh është përfshirë nga reshjet e shumta të shiut, të cilat kanë sjellë edhe përmbytje.
Kuptohet pse opozita nuk ka kurajë të kritikojë llumin e abuzimeve të qeverisë. Edhe personazhet e opozitës shkojnë në të njëjtat ambiente dhe nuk i kursejnë paratë.
Gazetari Bledi Mane ka publikuar një foto të Armina Mevlanit, partneres së Shkëlzen Berishës, djalit të ish-kryeministrit Sali Berisha, e cila shihet në një nga restorantet më të shtrenjtë në botë.
Në foton e publikuar nga gazetari shihet Armina Mevlani së bashku me pronarin dhe njëkohësisht një nga kuzhinierët më të famshëm në botë, Nusretin.
Sipas gazetarit, edhe pse blogerja hiqet si vegjetariane, por atë darkë në Miami para 4 vitesh kur udhëtoi për herë të fundit në SHBA hëngri mish, piu dhe u argëtua me Shkëlzen Berishën dhe paguan një faturë të madhe, 5000 dollarë.
Postimi në Facebook
Të hash mish me lekët e popullit/ ARMINA MEVLANI,
5 MIJË DOLLARË DARKA TE RESTORANTI I NUSRETIT
***
Gjasme hiqet si vegjetariane por para dy vitesh kur udhëtoi për herë të fundit në Amerikë, nusja e supozuar e djalit të Sali Berishës ka bërë kërdinë. Hëngri mish, piu dhe u argëtua me Shkëlzen Berishën dhe pagoi një faturë modeste, vetëm 5 mijë dollarë…
Ma arrestoni Nusretin dhe ma ekstradoni me pranga në Tiranë para datës 25 prill 2021!
