Disa ditë më parë presidenti Ilir Meta çdekretoi datën e zgjedhjeve, duke e botuar anulimin e tyre edhe në Fletroren Zyrtare.
Por paraditen e sotme është marrë një tjetër hap në lidhje me procedurat e shkarkimit të Presidentit Ilir Meta.
Komisioni i ligjeve miratoi ditën e sotme ngritjen e një Komisioni Hetimor, për shkelje të rënda të Kushtetutës nga Presidenti Ilir Meta, me vendimin për çdekretim të 30 qershorit si datë për mbajtjen e zgjedhjeve lokale.
“Presidenti nuk e ka shtyrë datën. Ai nuk ka caktuar asnjë datë. Raporti kishte dhe dispozitat që janë shkelur nga Kushtetuta. Qëllimi është që të ngrihet një Komision Hetimor për shkelje të rëndë të Kushtetutës.
Më tej, ngritja e Komisionit u miratua me 13 vota pro dhe 1 kundër. Vota kundër ishte nga Adriatik Alimadhi.
Situata në Shqipëri pas anulimit të zgjedhjeve nga presidenti Meta ka qenë kaotike, ku shumë tensione e përplasje ka pasur në shumë qytete të Shqipërisë. Shumë qytetarë mbështetës të opozitës, tentuan të largonin me dhunë materialet zgjedhore në shumë qendra KZAZ-sh, ku disa prej tyre u vunë edhe flakën.
