Garda Civile dhe Policia Kombëtare Spanjolle kanë shpërbërë një grup kriminal shqiptar, duke arrestuar pesë anëtarë të tij, të cilët akuzohen për kryerjen e 13 grabitjeve në banesa në Spanjë.
Grupi vepronte kryesisht në Salou, në provincën Tarragona, por më pas ka kryer grabitje edhe në disa provinca të tjera, si Alicante, Murcia, Madrid, Toledo, Granada dhe Jaén.
Hetuesit zbuluan se anëtarët e grupit i fsheheshin sendet e vjedhura në një kasafortë, ku u gjetën bizhuteri të vjedhura dhe një shumë prej 21,800 euro.
Hetimi kishte nisur nëntorin e kaluar, pas identifikimit të disa grabitjeve të ngjashme, dhe hetuesit mundësuan identifikimin e autorëve, të cilët ishin të gjithë me kombësi shqiptare. Ata u zbuluan pasi u shënjuan nga një automjet, i cili ishte i regjistruar në Itali dhe përdorej nga një kompani me qira automjetesh.
Në bastisjen e zhvilluar, u sekuestruan gjithashtu bizhuteri, aksesorë, telefona celularë, pajisje transmetimi dhe mjete për vjedhje.
