Asambleja e jashtëzakonshme e Shoqatës së Bashkive të vendit, e cila u zhvillua ditën e sotme në qytetin e Lezhës, ka shkarkuar nga pozicioni Voltana Ademin. Në vend të saj është zgjedhur kreu i Bashkisë së Lezhës Pjerin Ndreu.
Pjerin Ndreu do të mbajë pozicionin e kreut të Shoqatës së Bashkive. Vendimi është marë në mbledhjen e Zhvilluar ditën e sotme, ku nënkryetar u zgjodhën Alma Hoxha dhe Ilir Xhakolli. Në fjalën e tij të mbajtur në Asamble Pjerin Ndreu u shpreh se ditën e sotme u zgjodh ekipi drejtues i shoqatës i cili kishte dy vite që nuk mblidhej dhe që sipas tij nuk funksiononte. A më tej ka vazhduar duke thënë se nuk merret me fantazira dhe sipas tij në shoqata aderojnë bashkitë dhe jo kryetarët. Gjithashtu ai ka shtuar se kjo zgjedhje nuk ka të bëjë fare me emrat.
“Në Asamble marrin pjesë kryetarët e bashkive, zgjodhëm ekipin drejtues të shoqatës e cila kishte dy vite që nuk mblidhej dhe nuk funksiononte. Kërkuam mbledhjen e jashtëzakonshme të asamblesë, u zgjodh kryesia e përbërë nga tre vetë, unë u zgjodha kryetar. Ne nuk merremi me fantazira, në shoqata aderojnë bashkitë dhe jo kryetarët, nuk ka të bëjë me emrin e kryetarit, nuk kanë të bëjë emrat” u shpreh Pjerin Ndreu.
