Agim Ismaili emërohet drejtori i Përgjithshëm i Burgjeve pas shkarkimit të Stefan Çipës.
Ismaili ka qenë drejtor i Autoritetit Kombëtar të Ushqimit dhe ka përvojë policore pasi ka punuar për disa vite edhe në Drejtorinë e Policisë Elektrike. Ismaili mori detyrën në krye të AKU-së në tetor të 2017, ku u prezantua nga vetë kryeministri Edi Rama.
Kujtojmë se shkarkimi i Stefan Çipës si Drejtor i Burgjeve u bë publik sot. Ai qëndroi 5 muaj në këtë detyrë pasi zëvendësoi Arben Çukon, i cili u arrestua më pas në kuadër të operacionit “Vol-vo4”.
Më herët Burgjet janë drejtuar nga Artur Zoto, Arjan Hoxha, Arben Çuko deri sot me Stefan Çipën.
