Reshjet e shiut i kanë nxjerr qeverisë nga kontrolli propagandën që sëfundmi është përqëndruar në veri të vendit.
Rreshjet e dendura kanë përfshirë gjithë territorin, duke shkaktuar përmbytje dhe në jug. Disa prej rrugëve kryesore në Vlorë janë nën pushtetin e ujit, ndërkohë që si gjithmonë problematike janë akset që lidhin bulevardin Vlorë-Skelë me rrugën Transballkanike.
Mjaftoi pak shi dhe thuajse gjithë lagjet e tjera janë bërë të pakalueshme. Duke nisur nga lagjia 28 nëntori, zona pranë portit Detar, e deri tek lagjia 28 Nëntori pranë kishës Ortodokse.
Përmbytjet gjithashtu janë dhe në një nga bashkitë e djathta, ajo e qytetit të Shkodrës. Prej më shumë se një muaji vendi është i zhytur nën ujë. Dhe pse situata paraqitet problematike, qeveria nuk është kujtuar për një zgjidhje për dhjetra familje të prekura.
Pavarësisht kësaj gjendje, kryeminsitri Edi Rama vijon propagandën, duke dashur të zhvendosë vëmendjen në Veri. Ndërsa ka postuar një video të Pukës dhe ndërtimeve të bëra në atë zonë, Rama e ka cilësuar si kartolinën që vërteton investimet në veri.
Edhe pse në daljet e tij të fundit, vëmendja është përqëdruar në këtë zone, ka harruar Shkodrën, të drejtuar nga kryebashkiakja demokrate Voltana Ademi.
Gjithashtu ka harruar dhe bashkinë që prej vitesh ka qenë e majtë, atë të Vlorës. Pavarësisht ndërtimeve në këtë zonë, rrugët ende përmbyten nga shiu.
