Italia duket sikur do të përjetojë të njëjtën tragjedi si disa muaj më parë, ku koronavirusi vrau mijëra vetë.
Sipas njoftimit zyrtar të Ministrisë së Shëndetësisë italiane, vetëm gjatë 24 orëve të fundit numri i të prekurve dhe të vdekurve me covid-19, ka arritur shifra të frikshme.
Mësohet se gjatë 24 orëve të fundit, kanë humbur jetën 445 persoan si pasojë e covid, si dhe janë regjistruar 34 mijë e 505 persona pozitivë me koronavirus, nga 219,884 tamponë të bërë gjithsej.
Ndërkohë për shkak të situatës alarmante, bazuar edhe tek qytetet që janë vatra më të mëdha, aktualisht Italia është e ndarë në zona jeshile, portokalli, dhe të kuqe.
Duke pasur parasysh rritjen e numrit të personave të infektuar, 4 rajone janë me të kuqe, ku është rikthyer sërish karantina. Në këto zona lejohet të dalësh nga shtëpia vetëm për punë urgjente./GazetaReforma.com/
