Është zhvilluar në Gjykatën e Korçës seanca për caktimin e masës së sigurisë për shtetasit Marsel Baçi dhe Selam Hyka, përkatësisht 26 dhe 41 vjeç, që janë arrestuar si të dyshuar se kanë kryer marrëdhënie seksuale me një të mitur (16 vjeçare) dhe e kanë shfrytëzuar për prostitucion. Gjykata e Korçës ka vendosur masën arrest me burg për të dy këta shtetas.
Sipas policisë shtetasi Marsel Baçi e shfrytëzonte 16-vjeçaren për prostitucion,ndërsa Selam Hyka dyshohet se ka kryer marrëdhënie seksuale me dhunë me shtetasen e mitur.
Selami Hyka 41 vjeç,banues në fshatin Leminot, Maliq, akuzohet për veprën penale “Marrëdhënia seksuale ose homoseksuale me dhunë me të mitur të moshës 14-18 vjeç”.
Gjatë veprimeve të kryera në prezencë të psikologut, prindit dhe mbrojtësit ligjor, 16-vjeçarja ka kallëzuar se në muajin qershor të vitit 2024, ky shtetas ka kryer marrëdhënie seksuale me dhunë me të dhe i ka dhënë para;
Ndërkohë Marsel Baçi 26 vjeçari, banues në fshatin Podgorie, Maliq,akuzohet për veprën penale “Shfrytëzimi i prostitucionit”, pasi nga veprimet hetimore të kryera për këtë rast, dyshohet se e shfrytëzonte 16-vjeçaren, për prostitucion.
