Pas publikimit të rrogave dhe të dhënave të tjera të qytetarëve, së fundmi po qarkullon edhe një databazë me targat e shqiptarëve.
Në databazë listohen targat bashkë me emrin të cilin i përket automjeti që ka këtë numër identifikues.
Kryetari i Bashksië së Tiranës njihet si zyrtari që në rrugët e Tiranës lëviz me biçikletë, por mesa duket kjo mbetet vetëm në kuadrin e fasadës para opinionit public.
Gazetari Artan Hoxha e ka ironizuar Veliajn, ku përmes një statusi në rrjetin social Facebook ai shkruan se duke qenë se jemi në kohë festash duhet edhe ndonjë dhuratë. Ai shton edhe se për këtë ditë ka punuar dynjaja.
“Meqë doli sot kjo lista e targave, më ndihmoni dot e kujt është kjo bisha me targa AB 007… e parkuar te oborri bashkisë së Tiranës???!!!
Që të kesh një superbenz fringo të ri si ky, duhet te jesh në top-listen e rrogave???!!!
Jo për gjë, por kam nja 4-5 javë, që shikoj të qarkulloj me të, dikë që shfaqet shpesh në media, i fotografuar “pa mendje” duke udhëtuar me biçikletë nëpër qytet…
Epo jemi në kohë festash, në kohë dhuratash!!!
Super makinë është jo shaka!!!
Ka punuar dynjaja për këtë ditë”, shkruan Hoxha
Pas një kërkimi që bëmë në listën e targave të makinave emri i kryetarit të Bashkisë së Tiranës nuk rezulton.
Në këtë mënyrë mirëkuptojmë faktin pse gazetari kërkon ndihmën e audinecës për të gjetur targën, pasi në aspektin e deklarimit zyrtar mesa duket Veliaj e ka “kopsitur” duke mos e rregjistruar makinën luksoze në emrin e tij.
