Një grup kriminal shqiptaro-italian është shpërbërë nga policia italiane.
Për të shpërbërë grupin u organizua një megaoperacion.
Gjatë tij, policia përdori helikopterë dhe qen anti-drogë.
Në përfundim, u arrestuan 14 persona.
Banda furnizonte sheshet qendrore të qytetit të Bolonjës me heroinë dhe kokainë.
Një gramë kokainë në rrugë kishte një tarifë prej 80 eurosh; 30 euro një gramë heroinë dhe 10 euro një gramë marijuanë.
Bëhet me dije se grupi përdorte kode për të shpërndarë lëndën narkotike.
Për heroinën kodi ishte ‘flokë të bardha’, ‘kafe’ për hashashin dhe ‘qumësht’ për kokainën.
Mediat fqinje bëjnë me dije se policia ra fillimisht në gjurmë të shpërndarësve të drogës që vinin nga Shqipëria.
Më pas, ajo u vu në ndjekje të të gjithë grupit.
Gjashtë nga personat e ndaluar u mbajtën në burg, kurse 8 prej tyre u lanë me detyrim paraqitje.
