Mëngjeisn e sotëm një sherr i pëërgjakshëm ka ndodhur në një market të Tiranës, ku dy të rinj janë konfliktuar për rradhën e pagesës në kasë.
Si pasojë e konfliktit ka mbetur i vrarë 29-vjeçari Jurgen Duka.
Ndërkohë që tashmë është zbardhur edhe emri i autorit të vrasjes, i cili është 27-vjeçari Arbër Sula, banues në Sauk.
Arbër Sula është pununjës policie me detyrë agjent krimesh në DVP Dibër.
Gjatë momentit të ngjarjes, mësohet se ai ka qenë jashtë shërbimi.
Të dy të rinjtë janë ndodhur në kasën e marketit shumë afër njëri-tjetrit.
Fillimisht, ata konfliktohen verbalisht së bashku, pasi Duka, kishte hyrë pa radhë për të paguar paratë te kasa. Ndërkohë, debatet verbale, në një moment degjenerojnë në konflikt fizik, e deri në përdorimin e armës nga Sula, që rezulton fatale për 29-vjeçarin Jurgen Duka.
Ai shihet teksa bie në tokë pa ndjenja, ndërsa personat që ndodheshin në market largohen me shpejtësi jashtë. Gazetarja Bezat, raporton se autori pas krimit është larguar me një mjet tip “Benz” dhe autoritetet po punojnë për kapjen e tij.
Ndërkohë që viktima rezulton me precedentë të mëparshem penalë në fushën e narkotikëve. Jurgen Duka mësohet se është arrestuar në vitin 2020 në kuadër të një operacioni anti-drogë mes Shqipërisë dhe Italisë ku u prangosën edhe disa persona të tjerë.
