Gjykata e Sarandës ka lënë në fuqi masat e caktuara nga Prokuroria për shtetasit që u përfshinë në sherrin masiv të ndodhur më 2 janar në Sarandë, përfshirë katër efektivë të policisë.
Dy prej efektivëve janë lënë në burg, ndërsa gjashtë të tjerë, përfshirë vëllezërit Enea dhe Albion Nexhipi, janë lënë në liri me kusht.
Mes të akuzuarve janë efektivët e policisë Alvaro, Ilkid, Mihal dhe Ergis Sulejmani, si dhe Kejvis Sulejmani, Shemsho Sulejmani, Kristjan Xhaferi dhe Delars Duka.
Alvaro Sulejmanin, prokuroria kërkoi masën “Arrest në burg” për veprën penale “vrasje e mbetur në tentativë”.
Për të tjerët, akuzat janë për “plagosje të lehtë me dashje”, “kanosje”, “kundërshtim të punonjësit të policisë”, “shkatërrim të pronës” dhe “vrasje me dashje e mbetur në tentativë”.
Ngjarja ndodhi në fshatin Gjashtë të Sarandës, ku një konflikt për motive të dobëta eskaloi në dhunë fizike dhe përdorim armësh.
Të dëmtuar ngelën vëllezërit Enea dhe Albi Nexhipi. Sherri dyshohet të ketë lindur për shkak të një borxhi, dhe degjeneroi në përdorim armësh dhe goditje me sende të forta. Pjesë e konfliktit ishin katër efektivë policie, të gjithë me mbiemër Sulejmani, tre prej të cilëve vëllezër.
