Të shtëna me armë zjarri kanë tronditur zonën e “Ali Demit” në Tiranë mbrëmjen e së martës, si pasojë e një konflikti mes disa të rinjve.
Ngjarja ka ndodhur në orët e vona dhe ka shkaktuar panik në lagje, por fatmirësisht nuk raportohet për të lënduar apo viktima.
Sipas informacioneve paraprake, debati mes të rinjve ka degjeneruar në përplasje fizike dhe më pas është shoqëruar me kërcënime dhe të shtëna me armë zjarri.
Dyshohet se armët janë përdorur për të qëlluar në ajër gjatë konfliktit.
Policia ka mbërritur menjëherë në vendngjarje dhe ka gjetur dy gëzhoja të armës së zjarrit.
Hetimet janë në zhvillim, ndërsa autoritetet janë në kërkim të identifikimit të personave të përfshirë në ngjarje.
