Teksa frika nga COVID-19 ka mbërthyer vendin tonë dhe autoritetet kanë bërë thirrje për qytetarët që të qëndrojnë në shtëpi, duket se ka të rinj që jo vetëm nuk ndërgjegjësohen, por shkaktojnë edhe probleme.
Së fundmi, raportohet se 4 persona janë përfshirë një sherr, ku është qëlluar me thikë njëri prej tyre.
Ngjarja ka ndodhur rreth orës 19:20 në lagjen “Dyli Haxhire” në qytetin e Elbasanit dhe personi i plagosur është transportuar menjeherë në spitalin kirurgjik të Elbasanit.
Mësohet se bëhet fjalë për një 21-vjeçar me iniciale E.C. dhe ndodhet jashtë rrezikut për jetën.
Ndërkohë është identifikuar autori i ngjarjes dhe dy persona të tjerë të përfshirë në incident.
Policia ka shkuar në vendngjarje për të zbardhur rrethanat e shkaqet e ngjarjes, si dhe po punon për kapjen e autorëve.
